SBG - შეფასება
სტანდარტზე დაფუძნებული შეფასება (Standards Based Grading) ორიენტირებულია გრძელვადიან მიზნებზე და მოსწავლის პროგრესის ასახვაზე.
სტანდარტები
ყველა საგანს აქვს დროის გარკვეულ პერიოდში მისაღწევი სასწავლო მიზნები, რომლებიც ჩაშლილია გაწაფულობის შკალაზე
-
არის კონკრეტული, გაზომვადი
-
არის მოსწავლის ენაზე ფორმულირებული
აქტივობები
ყველა საგანში, ყველა სტანდარტს აქვს გაწაფულობის შკალაზე მიბმული პროექტები, დავალებები, პრეზენტაციები, სავარჯიშოები, სამუშაოები. აქტივობების შესრულებისას, მოსწავლეები ინსტრუქციასთან ერთად ეცნობიან თუ რომელი სტანდარტის რომელ გაწაფულობის დონეს მიემართება იგი.
პორტფოლიო
პორტფოლიო არის მოსწავლის მნიშვნელოვანი ნამუშევრების ერთობლიობა. რ ოგორც ფიზიკური (სამუშაო ფურცელი, რვეული), ასევე ციფრული (ხანის აკადემია, პრეზენტაცია). პორტფოლიო გროვდება სასწავლო წლის განმავლობაში.
შეფასება
მოსწავლე ფასდება კონკრეტულ სტანდარტთან მიმართებით, გაწაფულობის შაკლის მიხედვით და მის აქტივობებში წარმოქმნილ მტკიცებულებებზე დაყრდნობით. სასწავლო პერიოდის განმავლობაში მოსწავლის პროგრესი ამა-თუ იმ სტანდარტთან მიმართებით, აისახება შეფასებაზე. თითოეულ სტანდარტში მოსწავლის საბოლოო შეფასება არის საბოლოოდ მიღწეული გაწაფულობის დონე და არა საშუალო არითმეტიკული. ყველა შეფასება აისახება სკოლის LMS პორტალზე - ალმაზე.
ინდივიდუალური შეხვედრა
ინდივიდუალური შეხვედრა არ არის ადგილი, სადაც მასწავლებელი გამოკითხავს მოსწავლეს და შედეგად უწერს ქულას, არამედ არის შეხვედრა, სადაც მოსწავლე და მასწავლებელი განიხილავენ პროგრესს პორტფოლიოს „მტკიცებულებებზე“ დაყრდნობით. მოსწავლისთვის თითო საგანში შეხვედრა გრძელდება 15 წუთი, სადაც:
-
მოსწავლე აფასებს საკუთარ თავს მიზანთან მიმართებით
-
მასწავლებელი გასცემს კონკრეტულ უკუკავშირს მომავალში გადასადგმელ ნაბიჯებზე
